Núverandi verkefni Halldórs · Stofnað 2022
Landnýting
Umfangsmikið verkefni um hátækniræktun í gróðurhúsum á Íslandi.
01 / Verkefnið
Tómataræktun.
Ný atvinnugrein í mótun.
Halldór stofnaði Landnýtingu ehf. ásamt Þorkeli Sigurlaugssyni árið 2022. Þorkell var framkvæmdastjóri félagsins fyrstu þrjú árin. Í dag einbeitir Halldór sér að verkefninu sem stofnandi og stjórnarmaður.
Stefnt er að tómataræktun í hátæknigróðurhúsum í fyrsta áfanga. Til lengri tíma er markmiðið að byggja upp varanlega útflutningsgrein á Íslandi, með ræktun við stýrðar aðstæður og áherslu á gæði og stöðugt framboð. Uppbyggingin er hugsuð í áföngum og verkefnið er enn í þróun.
02 / RÆKTUN OG TÆKIFÆRI
Af hverju Ísland
Ræktun allt árið
Stýrt ræktunarumhverfi og sjálfvirkni gætu gert kleift að halda framleiðslu stöðugri allt árið, óháð stuttu íslensku vaxtartímabili.
Tækifæri til útflutnings
Markmiðið er að byggja upp matvælaframleiðslu fyrir alþjóðlega markaði, með áherslu á gæði, stöðugt framboð og sjálfbærni. Í fyrsta áfanga er stefnt að tómataræktun.
Þekking og fæðuöryggi
Auk útflutnings er markmiðið að styrkja fæðuöryggi Íslands og efla þekkingu á hátækniræktun.
Orka nýtt til ræktunar
Jarðvarmi, endurnýjanlegt rafmagn og hreint vatn eru auðlindagrunnurinn. Í hátæknigróðurhúsum nýtast þessar auðlindir ásamt loftslagsstýringu og hagkvæmri nýtingu aðfanga.
EINN AF STOFNENDUNUM
Samstarf við Landnýtingu
Landnýting er verk margra. Fyrir væntanlega samstarfsaðila veitir þessi síða betri kynni af einum stofnendanna: áratuga reynslu af því að hitta fólk, gefa út bækur í mörgum löndum og fá fólk til að vinna saman að nýjum verkefnum.
Hér segir frá lífi og starfi Halldórs. Á vef Landnýtingar er hægt að kynnast öllu teyminu og fylgjast með framgangi verkefnisins.